KLIOPETRA

વિશ્વની વિરલ પ્રણયકથાઓમાંની એક પ્રેમકથા ક્લીઓપેટ્રા અને એન્ટોનીની છે.
ક્લીઓપેટ્રા સૌંદર્યની સામ્રાજ્ઞી હતી. તેનાં નેત્રોમાં નર્યાં શમણાં જ ઘૂંટાયાં હતાં. તેના રુદિયામાં માત્ર પ્રેમ અને પ્રેમ સિવાય કશું જ ન હતું.
તે પ્રેમ નામના પદારથને ગમે તેના ચરણે તે ધરી દે એવી રમણી ન હતી.
પ્રેમની લપસણી ભૂમિ તરફ કથાને દોરી ન જતાં, પ્રેમની ઉજ્જવલતાનું જ અહીં નિરૂપણ થયું છે. સમર્પણ વિના પ્રેમ કદી સિદ્ધથયો નથી. આ સનાતન સત્ય આ કથાના કેન્દ્રમાં છે.
ક્લીઓપેટ્રા કેવળ અનન્ય સૌંદર્ય પામેલ સ્ત્રી ન હતી, પરંતુ તેના હૃદયનું સૌંદર્ય તો તેના દેહના સૌંદર્ય કરતાં પણ અધિક હતું. પરિણામે આ પ્રણયગાથા ઇજિપ્તના લોકજીવનમાં આજે પણ ઘણી જ આદરપાત્ર છે.