આધુનિક ભારતના નિર્માતા, ભારતીય બંધારણના શિલ્પી અને સામાજિક ન્યાયના પ્રખર હિમાયતી એટલે ભારતરત્ન ડૉ. બાબાસાહેબ આંબેડકર. તેમનું સમગ્ર જીવન એક એવું પ્રેરણાદાયક મહાકાવ્ય છે, જે દર્શાવે છે કે અદમ્ય ઈચ્છાશક્તિ અને શિક્ષણના બળથી ગમે તેવી કઠિન પરિસ્થિતિઓ પર વિજય મેળવી શકાય છે. અત્યંત સામાન્ય પરિવારમાં જન્મેલા અને બાળપણથી જ સામાજિક અસમાનતા અને ભેદભાવનો સામનો કરનાર ડૉ. આંબેડકરે પોતાના સંઘર્ષને જ પોતાની તાકાત બનાવી. તેઓ માત્ર એક મહાન રાજનેતા કે અર્થશાસ્ત્રી જ ન હતા, પરંતુ દલિતો, શ્રમિકો અને મહિલાઓના ઉત્થાન માટે આજીવન લડત ચલાવનાર એક સાચા ક્રાંતિકારી હતા.
વિદેશની ટોચની યુનિવર્સિટીઓમાંથી ઉચ્ચ શિક્ષણ પ્રાપ્ત કરી, તેમણે પોતાનું સમગ્ર જીવન રાષ્ટ્રનિર્માણ અને સમાજ સુધારણાના કાર્યોમાં સમર્પિત કરી દીધું. આવા મહાન યુગપુરુષના જીવન, તેમના ક્રાંતિકારી વિચારો અને રાષ્ટ્ર પ્રત્યેના તેમના અમૂલ્ય યોગદાનને વધુ ઊંડાણપૂર્વક સમજવા માટે અમે ‘અગ્નિપથના યાત્રી : ડૉ. બાબાસાહેબ આંબેડકર’ પુસ્તક લઈને આવ્યા છીએ. આ પુસ્તકમાં ડૉ. બાબાસાહેબના જીવનના એવા પ્રેરણાદાયક પ્રસંગો અને તેમના દૂરદર્શી વિચારોને અત્યંત સરળ અને અસરકારક શૈલીમાં રજૂ કરવામાં આવ્યા છે, જે આજના સમયમાં પણ એટલા જ પ્રસ્તુત અને માર્ગદર્શક છે.
દરેક જાગૃત નાગરિક, વિદ્યાર્થી અને યુવા પેઢીએ અચૂક વાંચવા જેવું . ડૉ. આંબેડકરના સંઘર્ષથી લઈને શિખર સુધીની ઐતિહાસિક સફરના સાક્ષી બનવા અને તેમના મૂલ્યવાન વિચારોથી પ્રેરણા મેળવવા માટે, આજે જ આ પુસ્તક વસાવો.
