DHRUVPRADESHO

૨૧મી સદી એ જ્ઞાન-વિજ્ઞાનની સદી છે. આ સદીમાં અનેક વિષયોમાં સંશોધનો થયાં છે. જ્ઞાન-વિજ્ઞાનની વિવિધ શાખાઓ ખૂલી છે અને તે અંગેની અવનવી માહિતી મેળવવા માટે એન્સાઈક્લોપીડિયા – જ્ઞાનકોશની મદદ લેવી એ જ ઉત્તમ માર્ગ છે. વિશ્વની અનેક ભાષાઓમાં આવા એન્સાઇક્લોપીડિયા છે અને તે બાળ-કિશોરોથી લઈને મોટેરાંઓ, સૌને ઉપયોગી નીવડે છે.

બાળ-કિશોરોમાં પ્રારંભથી જ વૈજ્ઞાનિક અભિગમ ખીલે-વિકસે તેવા શુભાશયથી શબ્દલોક પ્રકાશન દ્વારા અલગ અલગ ૪૦ જેટલા વિષયોને લઈને સૌપ્રથમ વખત ગુજરાતી ભાષામાં આ પ્રકારનો મલ્ટીકલર ‘અદ્ભુત ચિલ્ડ્રન્સ એન્સાઇક્લોપીડિયા’ તૈયાર કરવામાં આવેલ છે.

આ ૪૦ પુસ્તકોની શ્રેણીમાં વિશ્વમરના જ્ઞાનનો ભંડાર છે. એમાં વિશ્વના અનેક વિષયોને સમાવી લઈ તેમનો પ્રમાણભૂત પરિચય કરાવવાનો ઉપક્રમ રાખ્યો છે. સૌને એમની જ્ઞાનયાત્રામાં આ ગ્રંથશ્રેણી માર્ગદર્શક મિત્રની ગરજ સારશે એ શ્રદ્ધા છે.